Një shqiptar, i cili konsiderohet si bosi i mafias së Viterbio, ka përfituar ulje dënimi nga 16 vite që kishte për të bërë, tashmë do të kryejë 10 vite burgim. 40 vjeçari u dënua me 16 vjet në shkallë të parë më 4 nëntor 2021. Dënimi në apel u ul në dhjetë vjet. Mediet italiane shkruajnë se për shqiptarin Ismail Rebeshi Gjykata e Apelit e Romës e ka dhënë vendimin pak ditë më parë.
Po ashtu theksohet se më 31 janar Rebeshi do të dalë para gjykatës së kasacionit kundër dënimit me 10 vjet e 11 muaj në shkallë të dytë, për shoqërim të tipit mafioz në kuadër të operacionit Erostrato i 25 janarit 2019, arsye për të cilën mbahet në regjimin 41 bis të IEVP Cuneo. Rebeshi ka hyrë në masën e sigurimit 41 bis të burgut të Cuneos më 9 shkurt 2021.
Rebeshi është në pritje edhe të kasacionit për dënimin me tre vjet në shkallë të dytë, si rezultat i operacionit Ichnos, për të cilin u arrestua më 26 nëntor 2018, për trafik të dyshuar droge me Sardenjën dhe u dënua me gjashtë vjet burg në shkallë të parë.
Së fundi, në Viterbo, ai ka ende disa gjyqe në pritje, një në vazhdim për kërcënime dhe shpifje. Në një gjyq ai akuzohet për falsifikim dhe tjetër për trafik droge me ish-krahun e djathtë Sokol Dervishi, gjithashtu shqiptar, i cili u bë bashkëpunëtor i drejtësisë në mafian Viterbo.
Operacioni "Sottovuoto" u nis në kulmin e një hetimi nga skuadra lëvizëse e Romës, e cila dyshohet se shkatërroi një bandë prej 11 shpërndarësish italo-shqiptarë të drogës, nga të cilët Rebeshi dyshohet se ishte furnizuesi kryesor, aktiv në bregdetin romak midis Ardeas dhe Pomezias.
Në krye të bandës ishte një shqiptar, i njohur si Lele, i cili do të shkonte në çdo negociatë i armatosur me pistoleta gati për qitje. Sipas përgjimeve, pavarësisht se sa i fortë njihej, ai kishte pasur frikë nga Rebeshi. Sipas aktakuzës, Rebeshi i ka dhënë bandës nga data 8 maj deri në 18 tetor 2018, 9.5 kilogramë marihuanë dhe një sasi e paidentifikuar lëndë narkotike me vlerë 21 mijë euro dhe 538 gramë heroinë.
Ismail Rebeshi
