Bashkëpunimi Veliaj-PD, vëllai i ish-kryebashkiakut demokrat Fiqiri Ismaili merr tenderin me vlerë 1.4 miliardë lekë  

Shkruar nga: M Gjini | Publikuar më: 26.01.2023, 21:47

Tenderat vazhdojnë përditë të përdoren për të bërë qoka. Kjo është e “justifikueshme” për sa kohë po afrojnë zgjedhjet lokale. Por duket se Erion Veliaj kur vjen puna për para nuk pyet për njeri dhe bashkëpunon edhe me njërëz të lidhur me PD.

Në rastin konkret rezulton se i ka dhënë rreth 1.4 miliardë lekë vëllait të ish-kryetarit bashkiak të Vorës, Fiqiri Ismaili. Bëhet fjalë për tenderin me numër reference REF-50045-11-15-2022 dhe me objekt “Rikonstruksioni i rrugës Agallarëve”.

Fondi limit i kësaj procedure është 173,414,674 lekë të reja pa TVSH ose rreth 2.1 miliardë lekë të vjetra me TVSH. Por le të shohim pjesëmarrësit. Duke hulumtuar dokumentacionin e tenderit shikohet se njëri nga pjesëmarrësit ka hyrë në garë duke ofruar zero lekë.

Kuptohet qartë se një skemë e tillë përdoret në rastet kur nevojiten pjesëmarrës sa për numër për të krijuar idenë se gjoja ka patur konkurrencë. Fituese është shpallur firma ALBA KONSTRUKSION në pronësi të shtetasit Xhavit Ismaili.

Ky i fundit siç e përmendëm dhe më sipër, është vëllai i ish-kryetarit demokrat të Vorës, Fiqir Ismaili. Por duke parë dokumentacionin, shikohet se një tjetër pjesëmarrës në tender ka ofruar gati 125 milionë lekë të vjetra me TVSH më pak sesa Ismaili e megjithatë nuk është marrë në konsideratë nga Veliaj.

Me sa duket gjasat janë që fituesi ka qenë i paracaktuar duke faktuar edhe një herë bashkëpunimin e Veliajt me PD.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Djali tek Sheshi Skënderbej
    I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
    Qytetari nga Kavaja
    Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
    I riu zemërgjerë
    Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
    Djali që ndihmoi të moshuarin
    Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
    Greis dhe Rakel
    Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
Më të Lexuarat
Shkarkoni aplikacionin JOQ ALBANIA në platformat
Më të fundit