BDI nga e hëna fillon me takimet në Tetovë

Shkruar nga: B Hasi | Publikuar më: 22.01.2023, 17:31

Bashkimi Demokratik për Integrim ka përmbyllur takimet e saj informative nën moton “Bashkë për në Europë” në Gostivar me takimin që realizoi me Forumin Rinor të Bashkimit Demokratik për Integrim në Gostivar.

BDI ka përmbyllur takimet informative me qytetarët në rajonin e Gostivarit. Gjatë javëve të kaluara, zyrtarët e lartë të integristëve shpalosën para qytetarëve sfidat që presin vendin në synimin e saj drejt BE-së. Por, takimet e Gostivarit, ndodhën edhe në kohën kur BDI-ja përballet me të pakënaqurit partiak të rreshtuar në të ashtuquajturin “Grupi I Zjarrit”.

Lideri I BDI-së, Ali Ahmeti, vazhdimisht ka pohuar se nuk është cënuar uniteti partiak duke I quajtuar “vlimet” në parti si pjesë e demokracisë brendapartiake. Por në fjalimet para qytetarëve të Gostivarit, nuk ka munguar thirrja për më shumë unitet, më shumë komunikim e bashkëpunim.

“Jemi në prag të anëtarësimit në Bashkimin Europian. Kemi përpara një gurë që duhet lëvizur që nuk është i lehtë, për ndryshimet kushtetuese, na duhet një zë unik, na duhet të instalojmë vlera. Nuk është e pabesueshme, të gjitha barrierat u thyen, euroskepticizmat do shkrihen sepse s’kemi alternativë tjetër, ashtu siç ndodhi anëtarësimi në NATO, ashtu do të ndodhë edhe anëtarësimi në Bashkimin Europian”, deklaroi Ali Ahmeti.

Nga e Hëna, pas Gostivarit, BDI-ja zbarkon në Tetovë. Edhe në këtë rajon, në takimet me qytetarët, do të shpalosen synimet e BDI-së për vitin sfidues 2023.

Ndryshe, paralelisht me aktivitetet e BDI-së, në terren ka zbarkuar edhe “Grupi i Zjarrit”. Pas Studeniçanit, Manastirit dhe Shkupit, takimi radhës do të mbahet në Kumanovë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Djali tek Sheshi Skënderbej
    I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
    Qytetari nga Kavaja
    Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
    I riu zemërgjerë
    Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
    Djali që ndihmoi të moshuarin
    Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
    Greis dhe Rakel
    Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
Më të Lexuarat
Shkarkoni aplikacionin JOQ ALBANIA në platformat
Më të fundit