Bashkia Tiranë “gostit” me 100 milionë firmën që garoi ndaj konkurrentit me ofertë zero

Shkruar nga: M Gjini | Publikuar më: 20.01.2023, 22:23

Koha e zgjedhjeve po afron me shpejtësi dhe natyrisht xhepat dhe thasët e të gjithëve duhen mbushur plot. Dhe si më mire se sa nepërmjet tenderave mund të realizohet kjo? Këtë e ilustron mjaft mirë edhe rasti që do ju paraqesim në vijim.

Bëhet fjalë për një tender të organizuar nga Bashkia Tiranë e drejtuar nga Erion Veliaj. Procedura mban numrin e referencës REF-53799-12-15-2022. Objekti i saj është “Zhvillimi i testeve për vlerësimin e sigurisë së rrjetit të sistemeve TIK dhe auditimi i proçeseve të administrimit” dhe ka si fond limit vlerën 8,750,000 lekë të reja pa TVSH ose rreth 105 milionë lekë të vjetra me TVSH.

Por nëse studiojmë dokumentacionin e tenderit fillojnë të dalin në pah edhe çuditë. Kështu rezulton se në garë kanë marrë pjesë vetëm dy kompani. Nga këto, njëra ka ofruar vlerë zero. Kuptohet lehtësisht se një skemë e tillë aplikohet për të justifikuar se gjoja ka patur konkurrencë dhe firma në fjalë më shumë mundësi ka hyrë në garë sa për numër, pasi fituesi natyrisht kuptohet që ka qenë i paracaktuar.

Si rrjedhojë fituese është shpallur kompania tjetër e cila ka patur ofertë ekonomike në vlerën 8,268,750 lekë të reja pa TVSH ose rreth 100 milionë lekë të vjetra me TVSH. Bëhet fjalë për firmën OpenTech Consulting & Services në pronësi të shtetasit Ermal Xhaferri.

Nga ana tjetër vlera fituese e ofruar nga kjo kompani rezulton të jetë sa 94.5% e fondit limit, duke ngritur të tjera dyshime se kemi të bëjmë me një fitues të ditur që në fillim.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Djali tek Sheshi Skënderbej
    I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
    Qytetari nga Kavaja
    Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
    I riu zemërgjerë
    Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
    Djali që ndihmoi të moshuarin
    Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
    Greis dhe Rakel
    Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
Më të Lexuarat
Shkarkoni aplikacionin JOQ ALBANIA në platformat
Më të fundit