Peticioni, “një copë letër” për deputetët/ Nga 42 të dorëzuar në Kuvend, vetëm një u miratua

Shkruar nga: A Koci | Publikuar më: 17.12.2022, 20:49

Të 140 deputetët që janë sot në Parlamentin shqiptar, nuk punojnë për shqiptarët. Ata duket se janë në sallën më të rëndësishme të Shqipërisë, vetëm për interesat e tyre, e jo të votuesve që u sigurojnë mandatet.

Kjo tregohet qartë nga një statistikë e thjeshtë dhe e qartë. Në 5 vite, shqiptarët kanë dorëzuar në Kuvend 42 peticione, 42 kërkesa për t'u plotësuar, por mes tyre vetëm një është marrë në shqyrtim.

Të dhënat konfirmohen nga Komiteti Shqiptar i Helsinkit në një raport analizues të secilës çështje. Peticionet pasi janë dorëzuar në Kuvend, janë lënë në sirtarët e pluhurosur pa marrë mundimin për t'u shqyrtuar.

Justifikimet kanë qenë të shumta, socialistët thonë se i kanë kompetencat kryetarët e komisioneve, kryetarët e komisioneve thonë që peticioni nuk u ka ardhur i plotë, ndërsa demokratët justifikohen me faktin që e kanë në dorë socialistët. Por në të vërtetë asnjë deputet nuk ka marrë një peticion dhe t'a dorëzojë me dorën e tij në sekretarinë e Kuvendit, e t'a ndjekë atë deri në zgjidhje.

Por si funksionojnë peticionet në Shqipëri dhe përse është kaq e vështirë që shqiptarët t'u kërkojnë llogari deputetëve?! Çdo deputet ka të drejtën të dërgojë një projektligj në Parlament, për një çështje të caktuar pa asnjë pengesë.

Për një gjë të tillë, duhet të bëhen bashkë 20 mijë shqiptarë me emër, mbiemër, kartë ID dhe firmë. Pasi kuota prej 20 mijë firma plotësohet, peticioni dërgohet në Kuvend për ndryshimin e një ligji ose propozimin e një ligji tjetër. Ky peticion duhet të shqyrtohet fillimisht nga sekretaria e Kuvendit e më pas në një nga Komisionet. Më pas nëse kalon këto dy hallka mund të kalojë për diskutim dhe votim në Parlament.

Shqipëria është një ndër vendet e vetme në Europë që nuk ka të drejtën e referendumit. Në mungesë të kësaj të drejte, shqiptarët i drejtohen peticioneve. Por që dhe kjo mënyrë nuk funksionon, pasi në 42 peticione, vetëm 1 pret tyre është shqyrtuar në harkun e 5 viteve të fundit.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
PERSONAZHI I VITIT
KLIKO PËR TË VOTUAR
  • Anri Kashiku
    Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
    Granit Xhaka
    Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
    Marin Mema
    Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
    Elvis Naçi
    Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
    Luiza Gega
    Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
    Robert Neçaj
    Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
    Kevin Qoku
    Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
    Fogerti
    Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
    Aleks Vishaj
    Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
    Rabie Koçi
    Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
    Nënë Fatimeja
    Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.
Më të Lexuarat
Shkarkoni aplikacionin JOQ ALBANIA në platformat
Më të fundit