“Sallat e operacionit janë të ndotura”/ A janë ndërprerë operacionet te spitali i Traumës?

Shkruar nga: A Koci | Publikuar më: 16.12.2022, 21:58

"Sallat e operacioneve janë të ndotura, duhet të ndërpritet më datë 19 dhe 20 dhjetor kryerja e operacioneve". Ky është lajmi që po qarkullon në korridoret e spitalit të Traumës dhe në disa media të vendit. Burime ende jo zyrtare, bëjnë me dije se Instituti i Shëndetit Publik ka urdhëruar që në këtë spital asnjë pacient të mos hyjë në operacion, pasi ka rrezik që të sëmuret nga infeksioni i lartë.

Dyshohet se koncesionari që ka marrë për 10 vite përsipër sterilizimin, nuk ka kryer pastrimin e rregullt të sallave të operacioneve.

Ky lajm u përgënjeshtrua nga faqja zyrtare e Spitalit Universitar të Traumës duke thënë se operacionet vijojnë dhe se dezifektimi rutinor do të kryhet pas disa ditësh.

Por populli thotë: Ku ka zë, nuk është pa gjë! Pra, le të marrim të mirëqenë për një moment deklaratën e spitalit dhe të analizojmë punën e koncesionarit.

Në vitin 2015, shërbimi i sterilizimit që kryhej nga shteti, i kaloi një privati. Fituesi i tenderit ishte Ilir Rrapaj me kompaninë 'SaniService".

Fillimisht u hodhën dyshime se biznesmeni kishte njohje me Ministrin e Shëndetësisë asokohe, Ilir Beqaj, dyshime që u pranuan nga Beqaj duke thënë se e njihte Rrapajn por nuk e kishte favorizuar në tender.

Por Beqaj përfundoi në SPAK si person që ka djeni për koncesionin e sterilizimit, i cili është nën hetim nga drejtësia për abuzim me paratë e shqiptarëve.

Ky koncesion ka për qëllim pastrimin e pajisjeve kirurgjikale, sallave të operacioneve si dhe tualetet. Sterilizimi është një proces mjaft i rendësishëm për pacientët, por që shqiptarëve po u kushton sa qimet e kokës. Koncesioni u planifikua t'i merrte buxhetit të shtetit 100 milionë euro për 10 vite.

Por deri më sot, sipas përllogaritjeve të bëra nga ekspertët, koncesioni i sterilizimit ka marrë afro 135 milionë euro, pra 35 milionë euro më shumë se kontrata finale. Sipas ekspertëve të ekonomisë, koncesionari do të përfitojë rreth 70 milionë euro më shumë në fund të 10-vjeçarit të plotë të kontratës, pasi është rritur numri i operacioneve, e për rrjedhojë edhe numri i sterilizimit të pajisjeve.

Flitet për miliona euro që po u merren shqiptarëve nëpërmjet tenderave, e sikur të mos mjaftonte kjo, ata duhet edhe të përballen me situata të tilla ku operacionet dyshohet se shtyhen për shkak të ndotjes apo reduktohen për shkak se është tejkaluar fondi i kontratës.

Kjo është shëndetësia falas që premtoi Edi Rama?!

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
PERSONAZHI I VITIT
KLIKO PËR TË VOTUAR
  • Anri Kashiku
    Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
    Granit Xhaka
    Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
    Marin Mema
    Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
    Elvis Naçi
    Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
    Luiza Gega
    Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
    Robert Neçaj
    Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
    Kevin Qoku
    Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
    Fogerti
    Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
    Aleks Vishaj
    Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
    Rabie Koçi
    Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
    Nënë Fatimeja
    Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.
Më të Lexuarat
Shkarkoni aplikacionin JOQ ALBANIA në platformat
Më të fundit