Dhunimi i 11 vjeçares, ja pse u vonua ekzaminimi i telefonit të viktimës

Shkruar nga: B Hasi | Publikuar më: 24.09.2022, 09:59

Ekzaminimi i telefonit të 11 vjeçares në Prishtinë, kishte dërguar te kapja e të dyshuarve për trafikimin e dhunimin e saj.

Por që organeve të ndjekjes iu ishte dashur më shumë se 2 muaj për të bërë ekzaminimin e telefonit, që ishte pjesë e dosjes së prokurorisë.

Me rastin e sigurimit të dosjes se kësaj lënde portali Kallxo.com kishte kërkuar nga Agjencia e Kosovës për Forenzikë sqarime për vonesat në ekzaminim të telefonit.

Agjencia ka thënë se sipas tyre nuk ka pas vonim të raportit, pasi që Agjencia i trajton paraprakisht rastet e paraburgimit, ndërsa rastet tjera trajtohen sipas listës me rënditje kronologjike.

Sipas kësaj logjike, në rastin ku dyshohet se është dhunuar një e mitur nuk ka prioritet për ekzaminim të telefonit, pasi rasti nuk është me masë të paraburgimit.

“Përveç nëse nga palët (Prokurori apo Gjyqtarët kompetent) kërkohet ndryshe, sepse të gjitha rastet për ekspertime forenzike të IT-së janë me urgjencë (prioritet)”, thuhet në përgjigjen e tyre.

Në anën tjetër Prokuroria e Prishtinës në konferencën për media ka deklaruar se Agjencisë i është kërkuar trajtimi me urgjencë i ekzaminimit të telefonit.

Agjencia tutje potencon se kanë kapacitete të limitura njerëzore për këto ekspertiza pasi kanë vetëm 6 ekspertë, ndërsa ka rritje enorme të rasteve për ekzaminim.

Për t’i dhënë zgjidhje këtij problemi sipas Agjencisë është mbajtur takim me kryeprokurorin e Prishtinës, Kujtim Munishi dhe prokurorët e tjerë, që rastet me paraburgim të trajtohen me urgjencë, ndërsa rastet e tjera kur ka urgjenca të lajmërohen drejtpërsëdrejti.

“Po ashtu Agjencia e Kosovës për Forenzikë ka njoftuar Këshillin Prokurorial dhe Këshillin Gjyqësor të Kosovës se duke filluar nga data 01.10.2021 Agjencia e Kosovës për Forenzikë për shkak të ngarkesave dhe kërkesave të shumta për kryerje të ekspertimit rastet/kërkesat dhe numrit të madh të rasteve në pritje, rastet do t’i trajtojë sipas radhës gjegjësisht numrit portokollar të prioriteteve, gjeneruar në mënyrë automatike”, vazhdon përgjigjja e tyre.

Ndërsa nga Agjencia nuk kemi marrë përgjigje konkrete se kërkesa e prokurorisë për rastin e 11 vjeçares a ka përmbajtur mbishkrimin ‘urgjente’, por se Agjencia thotë se të gjitha rastet janë urgjente.

“Për shkak të kapaciteteve të limituara njerëzore dhe teknologjike i trajtojmë sipas përshkrimit të mësipërm d.m.th fillimisht trajtohen rastet me paraburgim për shkak të afateve kohore të hetimeve, ndërsa rastet trajtohen sipas listës/radhitjes kronologjike të pranimit përveç nëse nga prokurori apo gjyqtarët kompetent kërkohet ndryshe”.

Ndërsa për kohën që i duhet Agjencisë për ekzaminimin e telefonit, thuhet se varet nga gjendja e telefonit dhe nga disa faktorë të tjerë.

“Gjatë ekzaminimit zakonisht përdoren 2-3 metodat të ekzaminimit të telefonave të cilat na i ofron pajisja/programi forenzik të cilat në fund e bëjnë përmbledhjen e të gjeturave dhe i vendosin në një raport final i cili mund të ketë me dhjetëra mijëra faqe informacione të nxjerra nga telefoni”, është deklaruar tutje Agjencia.

Përmes ekzaminimit të telefonit ishte zbuluar kjo dosje e dhunimit dhe trafikimit.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Qytetari nga Tirana
    Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
    Vajza nga Shkodra
    Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
    I moshuari invalid
    I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
    I riu guximtar
    I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
    Djali i pastrehë
    Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
    Dy vajza zemërgjera
    Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
Më të Lexuarat
Shkarkoni aplikacionin JOQ ALBANIA në platformat
Më të fundit