Një tjetër skandal mund të cilësohet tenderi i radhës që po ju paraqesim. Kësaj here bëhet fjalë për Drejtorinë e Përgjithshme të Burgjeve e cila në vend që të sigurojë kushtet minimale të nevojshme për ata që vuajnë dënimet, shkon e shpërdoron mbi 200 milionë lekë për të blerë fuoristrada të vitit 2022.
Admir Abrija, kreu i këtij institucioni duket se nuk i ka bërë përshtypje fare fakti që ka patur të bëjë me një tender në mungesë totale të konkurrencës dhe ka shpallur fituese firmën ALBANIA MOTOR COMPANY në pronësi të vëllezërve Dulaku.
Më konkretisht bëhet fjalë për procedurën e prokurimit që mban numrin e referencës REF-37081-07-25-2022 dhe ka si objekt “Blerje automjete te reja te tipit fuoristrada”.
Fondi limit është 17,980,349 lekë të reja pa TVSH ose rreth 215 milionë lekë të vjetra me TVSH. Nuk kuptohet se përse kësaj drejtorie i nevojiten 5 fuoristrada, dhe akoma më e pakuptueshme është se përse nevojiten të pesta prodhim i vitit 2022?
Në një kohë kur vendi kalon një krizë ekonomike a nuk mund të merreshin makina më të vjetra dhe pak të përdorura? Apo Admiri dhe kolegët e tij preferojnë kushtet maksimale?
Gjithsesi përtej kësaj, tenderi ka mungesë konkurrence pasi në të ka marrë pjesë vetëm kompania fituese, përkatësisht ALBANIA MOTOR COMPANY e cila ka ofruar shifrën prej 17,665,000 lekësh të reja pa TVSH ose rreth 212 milionë lekë të vjetra përfshirë TVSH. Shihet gjithashtu se oferta fituese është thuajse identike me fondin limit, përkatësisht sa 98.24% e tij.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Qytetari nga Tirana
Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
Vajza nga Shkodra
Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
I moshuari invalid
I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
I riu guximtar
I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
Djali i pastrehë
Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
Dy vajza zemërgjera
Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
