Vendi në krizë ekonomike, Tan Agolli shpërdoron 4.3 milardë për rrugët që të çojnë tek Auto-Moto Park

Shkruar nga: M Gjini | Publikuar më: 21.09.2022, 22:22

Në një kohë që vendi është në krizë ekonomike për shkak të rritjes pa fund të çmimeve të ushqimeve bazë nga dita në ditë, drejtuesi i Fondit Shqiptar të Zhvillimit duket se ka prioritete të tjera. Dritan Agolli në vend që të ishte pas hekurave pasi i dha tenderin e menuve të 100 fshatrave kuzhinierit Alfio që punonte në restorantin e tij, vazhdon të na çudisë me “perlat” e tij.

Në fakt është paradoksale se si një institucion që ka emrin “Fondi shqiptar i Zhvillimit” harxhon shifra të tilla kolosale për ndërtimin e dy segmenteve të dy rrugëve që lidhin rrugët nacionale me pistën e një Auto-Moto Parku.

Kjo pistë njihet zyrtarisht me emrin Auto-Moto Park me vendndodhje në Bashkinë e Elbasanit. Më konkretisht bëhet fjalë për tenderin me numër reference REF-38463-08-12-2022 dhe me objekt “Ngritja e infrastrukturës mbështetëse në funksion të kompleksit multi-funksional për zhvillimin e sektorëve të ndryshëm të motorizimit, Auto-Moto Park, në Bashkine Elbasan-Loti 1:Rruget e Aksesit (Rruga Nezir Muzhaqi,seg I dhe Rruga Zija Luniku, seg II).

Fondi limit i tij është 547,562,825 lekë të reja pa TVSH ose rreth 6.5 miliardë lekë të vjetra me TVSH. Duke shfletuar dokumentacionin e procedurës shikohet se fitues është shpallur bashkimi i operatorëve “S.M.O. UNION” (në pronësi të Xhevat Vataksi, Fernand Nuha dhe Mehdi Shabani) + “BLERIMI” (në pronësi të Besmir dhe Behexhet Uruçi) + “SMO VATAKSI” (në pronësi të Xhevat Vataksi).

Vlera e ofruar prej tyre është 357,898,107 lekë të reja pa TVSH ose rreth 4.3 miliardë lekë të vjetra me TVSH. Ndërkohë vihet re se një tjetër firmë ka dhënë ofertë më të ulët por nuk është marrë në konsideratë nga Tan Agolli.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Qytetari nga Tirana
    Qytetari nga Tirana, i cili çdo ditë, shkonte në fshatrat e Tiranës dhe ushqente qentë e rrugës. Ai merrte bukë nga shtëpia dhe shkonte ua hidhte qenve, të cilët gëzonin duke tundur bishtin sapo e shihnin.
    Vajza nga Shkodra
    Vajza nga Shkodra, shitëse në një market, e cila u përball me dhunën e të moshuarit, i cili godiste pa pushim një qen, me një copë dru në dorë. Sapo pa që qeni po dhunohej, vajza ndërhyri dhe tërhoqi nga bluzja të moshuarin, që dukej që nuk do ndalej nga goditjet ndaj qenit.
    I moshuari invalid
    I moshuari invalid, i cili, rregullon rrugën e lagjes, pasi Bashkia e Tiranës i ka harruar qytetarët. Qytetari është 'hero' në komunitetin e tij. Kur askush nuk ndjen përgjegjësi, ai bën aq sa mundet vetë.
    I riu guximtar
    I riu, që pa u menduar dy herë, ndaloi makinën dhe i erdhi në ndihmë qytetarit që u aksidentua në mbikalimin e Selitës, në Tiranë, pak ditë më parë. Makina ishte pothuajse e përmbysur, kur i riu shqeu xhamin e përparmë dhe nxorri nga makina të aksidentuarin. Ai gjithashtu, qëndroi me të duke e mbështetur pas atij aksidenti të rëndë.
    Djali i pastrehë
    Djali i pastrehë në Lushnje, i cili duke mbledhur kanoçe dhe bidona në një nga koshat e plehrave, gjeti një këlysh dhe po e ushqente me atë pak bukë që kishte për vete. Pavarësisht varfërisë që ai përballej vetë, i riu lushnjar nuk e mendoi dy herë që t'i vinte në ndihmë qenushit. Madje ai e mori atë në shtëpi.
    Dy vajza zemërgjera
    Dy vajza, të cilat, panë në koshin e plehrave një burrë, që po ushqehej me ç’të gjente aty. Vajzave u erdhi keq për atë që panë dhe blenë ushqim për të.
Më të Lexuarat
Shkarkoni aplikacionin JOQ ALBANIA në platformat
Më të fundit