Jorgo Goro i Bashkisë Himarë i jep 408 milionë nënës së ish-juristit të tij

Shkruar nga: M Gjini | Publikuar më: 12.09.2022, 20:59

Skandalet vijojnë përditë në Shqipëri, ashtu siç përditë vazhdon edhe mos kokëçarja dhe gjumi i institucioneve që duhet të hetojnë, sidmos SPAK dhe “kryegjumashi” i tij, Arben Kraja. Në media është përmendur disa herë “dashuria” e çuditshme e Jorgo Goros dhe nënës së ish-juristit të tij Elton Rondo në lidhje me tenderat e Bashkisë Himarë.

Bëhet fjalë për Fotina Rondo e cila nëpërmjet kompanisë së saj “COGREN” ka ftuar dhjetra tendera nga Bashkia Himarë e drejtuar nga Jorgo, gjatë kohës që djali i saj punonte po në atë bashki. Këto tendera llogaritet të kapin vlerën e rreth 3 miliardë lekëve të vjetra, të cilët në mënyrë të pabesueshme janë fituar nga firma që kishte pronare nënën e juristit të bashkisë.

Jo vetëm që Fotinës dhe Jorgos nuk u hyri gjemb në këmbë, por përkundrazi edhe sot e kësaj dite kompania e saj vazhdon dhe shpallet fituese. Mjafton të përmendim se vetëm pak ditë më parë, Fotina ka marrë nga Jorgo plot 408 milionë lekë të vjetra me TVSH për ndërtimin e një kompleksi sportiv.

Më konkretisht bëhet fjalë për tenderin me numër reference REF-35243-07-04-2022 dhe me objekt “Ndërtimi i kompleksit sportiv rajonal Borsh”. Fondi limit i tij është 40,000,000 lekë të reja pa TVSH ose rreth 480 milionë lekë të vjetra përfshirë TVSH. Shikohet se në tender kanë marrë pjesë 5 garues, nga të cilët njëri prej tyre ka ofruar vlerë zero, duke rritur dyshimet se kemi të bëjmë me fitues të paracaktuar.

Gjithashtu shifrat e ofruara nga firmat e tjera janë tepër të afërta me vlerën fituese, duke rritur akoma më tej dyshimet për parregullsi në tender. Si përfundim, vitet kalojnë, firma e Fotinës vazhdon të marrë tendera nga Jorgo i Himarës dhe isntitucionet përgjegjëse as që denjojnë të hetojnë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
HEROI I MUAJIT
KLIKO PËR TË VOTUAR
  • Leli Alushaj
    Leli Alushaj, kamarieri i një restoranti në Tiranë, i cili me ndërhyrjen e tij të shpejtë i shpëtoi jetën një turisteje spanjolle, teksa ajo po mbytej.
    Robert Neçaj
    Roja bregdetare, i cili shpëtoi nga mbytja në plazhin e Shëngjinit dy persona, motër e vëlla, teksa dhe vetë përfundoi në spital. Ai u dëmtua shumë gjatë aksionit të tij të shpëtimit, por sot, fatmirësisht gëzon shëndet të plotë.
    Andi
    Roje bregdetare në Sarandë, i cili shpëtoi nga mbytja, babë e bir. Pamjet se si ai nxirrte nga uji babë e bir u bën virale dhe u shpërndanë edhe në faqet e JOQ ALBANIA.
    Djali i mitur
    Djali i mitur, që shet lule pranë qendrës së Tiranës, për të siguruar libra dhe rroba për shkollë. Ai ulet në trotuar dhe u kërkon qytetarëve që të blejnë lulet e tij.
Më të Lexuarat
Shkarkoni aplikacionin JOQ ALBANIA në platformat
Më të fundit