Shkëlqim Fusha, përfituesi i MILIARDA LEKËVE nga tenderat publikë, kryesisht nga Bashkia e Tiranës do t’i shtojë pasurisë së tij një +2 miliardësh tjetër për Rijetësimin e Piramidës.
Se për çfarë do të shkojë kjo shumë e shtuar 12 MILIARDËSHIT të tenderit fillestar, në kontratë nuk është e specifikuar. Vlera totale e kontratës për Rijetësimin e Piramidës do i kalojë 14 MILIARD LEKË pa TVSH.
Tenderi i është dhënë nga Erion Veliaj me Negociim pa njoftim për shtesë kontrate, duke e klasifikuar procedurën tenderuese me Flamur të Kuq për pazar dorë më dorë.
Fusha në bashkëpunim me Erion Veliajn janë përgjegjës për shpalljen e Tiranës qytetin më të pisët të Europës.
Titull ky me të cilin kryebashkiaku nuk guxon ta dekorojë veten publikisht, por e përndjek damka që i kanë vënë qytetarët sa herë i denoncojnë kazanet me plehra të mbushur në lagjet kryesore të kryeqytetit.
Kontrata fillestare që ka lidhur Bashkia Tiranë me FUSHA shpk në vitin 2020 ka patur vlerën e 12 MILIARD LEKËVE pa TVSH.
Pak kohë më parë Veliaj e kërcënonte publikisht se do i hiqte Fushës tenderin e pastrimit të Tiranës dhe do i ndante pazaret me një tjetër oligark.
Duke qenë se Veliaj i ka rregulluar marrëdhënien me oligarkun e pastrimit e ndërtimit, tashmë qoka prej 2 MILIARDËSH LEKË me paratë e popullit i futet oligarkut pa shumë mund në xhep.
