Një grup shqiptarësh me origjinë nga Shqipëria e Kosova kanë mashtruar një 61-vjeçare nga Selaniku duke i marrë 76.500 euro. Sipas mediave greke grupi i shqiptarëve prezantoheshin te qytetarët si teknikë të një kompanie ndërkombëtare kontabiliteti me pretekstin se ofronin shërbime për mbrojtjen e llogarive të tyre bankare nga viruset. Në këtë mënyrë shqiptarët fitonin akses në celularët apo kompjuterët e tyre dhe pastaj nëpërmjet instalimit të aplikacioneve të tjera kryenin mashtrimet.
Shqiptarët dyshohet se janë të përfshirë në raste të ngjashme mashtrimi në mbarë botën. Rasti është duke u hetuar nga punonjësit e Policisë së Departamentit të Sigurisë Pylaia Chortiatis dhe shqiptarët akuzohen për organizatë kriminale, mashtrim kompjuterik dhe aksesi i paligjshëm në të dhëna.
