Aktori francez Daniel Auteuil me siguri do t'i kujtojë këto ditë napolitane: mbërriti me një orë Patek Philippe me vlerë 39 mijë euro në dorë dhe u kthye në shtëpi me një Swatch 100 euro "model Napoli shumë blu", një dhuratë dashamirëse nga Bashkia. Ai ishte viktimë e grabitjes të hënën teksa ishte në një taksi, kur sapo kishte mbërritur në Napoli ku zhvilloi një shfaqje.
Këshilltarja e bashkisë që i dorëzoi orën plastike me vlerë 100 euro u shpreh: “Sigurisht që nuk ishte kompensim. Ai e kuptoi shumë mirë dhe më falënderoi dhe më përqafoi me gëzim”.
Daniel Auteuil nuk ka dashur të komentojë në asnjë mënyrë incidentin as me gazetarët dhe as në kanalet e tij sociale. Nga burime bashkiake mësohet se është shprehur se këto janë “gjëra që mund të ndodhin në qytetet e mëdha, si në Napoli ashtu dhe në vende të tjera të botës”.
Megjithatë, të shumta janë komentet e napolitanëve të mërzitur dhe të indinjuar, të dukshme në faqen e Instagramit të artistit transalpin: “Napoli nuk është vetëm ky, do të ktheheni së shpejti në qytet”.
Burimi: FANPAGE | Përktheu dhe Përshtati: JOQ ALBANIA
