Pickimi nga një bletë, keqësimi i papritur, vetëdija se diçka e rëndë po i ndodhte dhe më pas vdekja, të gjitha këto brenda pak minutash. Kështu, Marco Deiana, një fermer italian me origjinë nga Gairo Sant'Elena, në provincën e Nuoro, vdiq papritur në moshën 32-vjeçare mëngjesin e së enjtes, ndërsa kujdesej për bagëtitë e tij si çdo ditë. Gjithçka u konsumua në pak minuta pa qënë e mundur që urgjenca të mbërrinte në kohë. Rreth mesditës ai u pickua nga insekti dhe pak më vonë filloi të ndihej keq.
32-vjeçari e kuptoi se diçka nuk shkonte dhe telefonoi të dashurën e tij në telefon. "Ndihmë, po vdes", ishin fjalët e tij të fundit të dëshpëruara duke iu referuar pickimit të bletës para se të humbiste vetëdijen dhe të rrëzohej në tokë.
Kur ekipet e shpëtimit mbërritën në vendngjarje, të alarmuar nga familja e burrit, ishte tepër vonë. Mjekët që kanë shkuar në vendngjarje e kanë gjetur tashmë të pajetë dhe kanë mundur të konstatojnë vetëm vdekjen e tij. Ekipet e shpëtimit folën për një arrest kardiak fatal.
Burimi: FANPAGE | Përktheu dhe Përshtati: JOQ ALBANIA
