Çudirat në Shqipëri s’kanë fund dhe këtë herë, e radhës vjen nga, presidenti aktual i FSHF-së, Armand Duka, i cili po përballet me akuzat e manipulimit të zgjedhjeve që i dhanë mandatin e 6 në krye të institucionit të futbollit.
Në gjyqin e Dukës kundër Dritan Shakohoxhës për manipulimet gjatë procesit zgjedhor tre muaj më parë, panorama raporton se përfaqësuesi ligjor i tij është avokati Ilia Ilia. Ky i fundit po merret me të gjitha çështjet për të cilat është akuzuar Duka, por njëkohësisht, i njëjti avokat, rezulton të jetë avokati mbrojtës edhe i Arlen Hasanajt.
Hasanaj është në burg për ngjarjen në Durrës, ku dyshohet se vuri një sasi tritoli në derën e banesës së presidentit Duka.