Hulumtim: 40% e qytetarëve nuk besojnë në policinë e vendit

Shkruar nga: B Hasi | Publikuar më: 25.05.2022, 20:38

Qytetarët e Maqedonisë juglindore kanë më shumë besim te policia në krahasim me rajonet e tjera të vendit, edhe pse në përgjithësi besimi në Ministrinë e Punëve të Brendshme është ranguar diku në mes në krahasim me organet dhe institucionet e tjera të vendit, tregon hulumtimi i Qendrës për Strategji Evropiane. – Eutorink.

25% e të anketuarve të përfshirë në anketë kanë besim, ndërsa 40% jo.

Në rajonin planor juglindor besimi është më i lartë, përkatësisht rreth 37 për qind e qytetarëve kanë deklaruar besim tek policia dhe 36 për mosbesim, u tha në diskutimin final publik në kuadër të projektit “Drejt policisë transparente, të përgjegjshme dhe gjithëpërfshirëse në Republikën e Maqedonisë së Veriut” mbajtur sot në Strumicë.

Sipas Aleksandar Stojanovski, hulumtues i lartë, qëllimi kryesor i projektit është të kontribuojë në përmirësimin e opinionit publik dhe mirëkuptimit lidhur me transparencën dhe llogaridhënien policore, përmes rritjes së mbikëqyrjes dhe dialogut me qëllim të përmirësimit të miratimit dhe zbatimit të politikave që prekin interesin publik, politikat dhe sigurinë e qytetarëve.

Projekti në fjalë u mbështetet financiarisht nga “National Endowment for Democracy” nga Shtetet e Bashkuara të Amerikës.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit