Skuadra e Romës ndodhet në Tiranë, pasi pret që nesër të luajë ndeshjen finale ndaj Feynordit në Conference League. Skuadra italiane ka zbarkuar edhe në stadiumin “Air Albania”.
Marash Kumbulla dhe shokët e tij, me në krye Zhoze Murinjo, zbritën në tapetin e blertë jo për t’u stërvitur, thjesht për të parë fushën dhe shijuar stadiumin kombëtar.
Mbrojtësi shqiptar u shfaq duke buzëqeshur nën shoqërinë e El Sharauit.
Ajo që ra në sy gjatë momentit që Roma preku tapetin e blertë të “Air Albania”-s, ishte shëtitja nëpër fushë e sulmuesit Tami Abraham, i cili bëri provat e tij edhe te 2 traversat e portave.
🐺 Eccoci 🏟#ASRoma | #UECLfinal pic.twitter.com/VV75uZzdRD
— AS Roma (@OfficialASRoma) May 24, 2022
