Paolo Maldini është bërë protagonis i një ngjarje të shëmtuar para ndeshjes mes Milanit dhe Atalantës. Legjenda kuqezi nuk shfaqet shpesh i inatosur në publik, por kësaj here duket se e ka humbur durimin.
Rasti i fundit ka shfaqur një tjetër anë të drejtuesit kuqezi i cili u nervozua me veprimin e një tifozi kundrejt makinës së tij.
Në videon e publikuar nga “LaGazzetadelloSport” shihet sesi gjatë kalimit te një grumbullimi fansash, një tifoz në eufori e sipër i hedh ujë xhamit të përparmë të makinës së Maldinit.
53-vjeçari reagoi menjëherë duke i tërhequr vëmendjen tifozit dhe duke e kritikuar nga brenda makinës. Më pas ai u largua i inatosur, me ngjarjen që u bë virale.
