Interi duket se nuk ka ndërmend të dorëzohet në garën për titull. Zikaltërit nuk gabuan dhe sonte fituan 1-3 në transfertë ndaj Cagliarit, duke mbajtur në presion Milanin edhe në javën e fundit të mbetur në Serie A.
Milan ka nevojë vetëm për një pikë që të shpallet kampion, ndersa Interi duhet të fitojë dhe të shpresojë në humbjen e Milanit.
Momentalisht, Interi ka 81 pikë dhe mban vendin e dytë në tabelën e klasifikimit, ndërsa Milani ka 83 dhe ndodhet në vendin e parë. Në javën e fundit vendoset gjithçka...Interi sfidon Sampdorian në shtëpi, ndërsa Milani luan në transfertë ndaj Sasuolos./ JOQ Albania