Sipas një eksperti, marina ruse po trajnon delfinët për të mbrojtur një bazë detare në Detin e Zi.
Sevastopol është baza më e rëndësishme detare ruse në Detin e Zi, ndërsa analisti i mbrotjes HI Sutton ka thënë për mediat e huaja se ata mund të përdorin delfinët e stërvitur për të mbrojtur bazën nga sulmet nënujore.
Në të kaluarën, gjitarët detarë siç janë për shembull delfinët janë trajnuar për të mbrojtur një bazë detare kundër zhytësve.
Duke u bazuar tek fotografitë satelitore, shumë anije të marinës ruse janë të grumbulluara në port, që do të thotë se ato mund të rrezikohen nga sulmet nënujore.
Pra, delfinët e stërvitur të Rusisë mund të parandalojnë forcat ukrainase që të depërtojnë në port nën ujë dhe të sulmojnë anijet luftarake.
Kjo nuk është hera e parë që marina ruse ka zhvilluar programe për gjitarët detarë për t'i ndihmuar ata në këtë mënyrë.